Walitti Dhufeenya Namoota Gidduu Jiru fi Ilaalcha Afuuraa Isaanii Keessatti Barattoota Irraa Maaltu Eegama?

1. Qalbii (Sammuu/Qullaa Qalbii)

Qalbii jechuun namni tokko gaarii fi gadhee adda baasee kan ittiin beeku dha. Nama gocha gadhee irraa kan deebisu, kan balleessu irratti kan yaaddessu, Waaqayyo biraa dhala namaatiif kan kenname qabeenya sammuuti. Qalbiin nama dhalatu hundaaf Waaqayyo biraa kan kennamu waan ta’eef, hawaasa kamiyyuu biratti namni gaariitti akka ka’u, hojii gadheetti immoo akka gaabbu ni taasisa.

• Qalbii dhabuun namicha suuta suutaan gara badii fi amala akka bineensaatti isa geessa. Kiristaanni tokko uumama jalqaba irratti kennameef kana eeggatee, Afuura Qulqulluudhaan qalbii isaa cimsee qabachuu qaba (1Xim. 4:1-2).

Qalbii gaariin yoo jiraate qullaa garaa (qulqullummaan garaa) ni jiraata. Qulqullummaan garaa yoo dhufe immoo namni Waaqayyoon ni arga (Mat. 5:8). Qalbii gaariidhaan madaalanii yaada gaarii maddisiisuun, barichas hubatanii hojii dhuunfaa qofa hojjechuun ni danda’ama.

2. Fakkeenya Gaarii Ta’uu

Fakkeenya jechuun moodela ykn ragaa argisiisuu dha. Fakkeenya gaarii yommuu jinnu, seera amantii fi hawaasaa keessaa osoo hin ba’in, dhala namaatiif fooniinis ta’e afuuraan kan fayyadu hojjechuun, gocha gaarii hundaaf fakkeenya ta’uu jechuuti. «Tajaajila keenya kanaan namni tokko akka nu hin tuffanneef of ni eegganna; Gooftaa biratti qofa osoo hin ta’in, nama durattis waan gaarii ta’e ni ijaaranna» akka jedhametti (2Qor. 8:21).

3. Amanamummaa

Amanamummaa jechuun jechaan argamuu, waan fudhatan abboomamuu fi itti gaafatamummaa haala sirriitiin ba’achuu dha; dhugaa ta’uu jechuuti. Amanamummaan amala Waaqayyo biraa maddau dha (Far. 144:14). Waaqayyo warra amanamummaadhaan isa waaqeffatanii fi tajaajilan ni barbaada. Warra amanamummaadhaan jabaatanii argamaniif gatii ol’aana ni kennaaf (Mat. 25:14-30). Talantaa shanii fi lamaan kan amanaman hundi kabaja guddaa argatanii gara gammachuu Gooftaa isaaniitti galaniiru.

Kiristaanni tokko amanamummaan isaa kan madaalamu dhimma xiqqoo irratti. Wangeela keessatti akka jedhametti, nama maallaqa dhuunfaa ykn kan namoota biroo irratti tajaajila xiqqoodhaan amanamaa ta’e, dhimma baay’ee fi kan mataa isaa irratti amanamaa ni ta’a. Jireenya mu’uminaa (guttummaa) tokko keessatti amanamummaan qabaachuu danda’u hanga du’aatti ta’uu akka qabu ibsameera: «Hanga du’aatti amanamaa ta’i» (Mul. 2:10). «Hanga du’aatti» kan jedhu jechi kun, namni tokko amanamummaa isaa eeggachuuf jecha hanga wareegamaatti of kennuuf qophaa’uu akka qabu argisiisa. Amanamummaan bifa tokkoon qofa kan ibsamu osoo hin ta’in, jireenya afuuraa fi fooniitiin jireenya namaa keessatti calaqqisuu kan qabu dha.

4. Giddu-gala Ta’uu (Xiyyeeffannaa)

Dadhabina irraa fagaatanii humna guutuun fi yeroon hojii danda’amu raawwachuu, itti gaafatamummaa ba’achuu, jabaachuu fi dammaquu; xiyyeeffannaa dhabuun ykn hirriiba gadheen namni tokko akka hin mo’amne ta’uu dha.

• Jireenya Kiristaanummaa keessatti xiyyeeffannaan gumaacha guddaa qaba. Amantiidhaan guddachuuf, jajjabaachuuf, fi amala gaariidhaan hojjechuuf, akkasumas namoota wajjin jaalalaan jiraachuuf faayidaa qaba. Jaalala Waaqayyootiin nagaadhaan waliin jiraachuuf, amantii dura itti fufuun jiraachuun xiyyeeffannaa argisiisa. Xiyyeeffannaan guddina jireenya foonii fi afuuraatiif xurree dha (2Phee. 1:5).